ڕۆژا چارشەمبی ڕێــککــەفتی (٢٠٢٤/١١/٦) ب ئامادەبوونا سەرۆکێ زانکۆیا زاخۆ ڕێزدار (پ.د. ناظم سليمان عبدالعزيز) و لگەلدا جڤاتا زانکۆیێ و ڕێڤەبەڕێ پەیوەندیێن نیڤدەولەتی ل زانکۆیا زاخۆ و ڕێزدار (هێژا محمد توفیق) جێگرێ سەرپەرشتێ ئیدارا سەربەخۆیا زاخۆ و لگەلدا ڕێڤەبەرێن دامودەزگەهێن حکومی یێن ئیدارا سەربەخۆیا زاخۆ، یاداشتنامەیەکا لێکتێگەهشتنێ دناڤبەرا زانکۆیا زاخۆ و ئیدارا سەربەخۆیا زاخۆ دا هاتە ئیمزاکرن.
هەژیە بێژین؛ ئەڤ یاداشتنامە ژ (١٣)ـە بڕگەیان پێکدهات، ژ گرنگترین بڕگەیان:
١- وەرگرتنا پێشنیاران ژلایێ ئیدارا سەربەخۆیا زاخۆ ڤە، بۆ بابەتێن دبنە ئاستەنگ د ڕێکا وان دا، داکو زانکۆیا زاخۆ ژلایێ خۆ ڤە ڤەکۆلینێن زانستی ل سەر بکەت و چارەسەریێن گونجایی بۆ ببینیت.
٢- دەستنیشانکرنا زانکۆیا زاخۆ وەکو ژێدەرەکێ باوەرپێکری بۆ دەستنیشانکرنا کۆالتیا جورێن دەرمان و خوراکا بۆ تەندروستیا گشتی، هەروەسا وەک بنگەهەک بۆ وەرگرتنا نموونان (سەمپڵان) ب مەرەما شرۆڤەکرن و زانینا کواڵتیا وان ب تایبەت ئەو کەرەستێن دهێنە ئاراستە کرن ژلایێ دامودەزگەهێن سەر ب ئیدارا سەربەخۆیا زاخۆ، بەلێ ب گونجیت لگەل ڕێنمایێن حکومەتاهەرێما کوردستانێ.
٣- ئەنجامدانا (کۆربەند، ڤیستەڤاڵ و کۆنفڕانسێن زانستی) دناڤبەرا هەردۆک ئالیان دا، ژ بۆ پێشڤەبرنا دەڤەرێ و هەرێمێ.
٤- ئاسانکاریا دامودەزگەهێن ئیدارا سەربەخۆیا زاخۆ، بۆ مەشق و ڕاهێنان بۆ قوتابیێن زانکۆیا زاخۆ، ب تایبەت ئەنجامدانا مەشقێن هاڤینێ و ڕاهێنانێن پێدڤی، ژ بۆ پەرزکرنا ئاستێ پراکتیکیێ قوتابیان.
٥- پشتەڤانیکرنا پڕۆژێن قوتابیێن زانکۆیا زاخۆ، ژلایێ ئیدارا سەربەخۆیا زاخۆ